Անհապաղ ծանուցում․ Քարտի կորստի, գողության կամ առանց քարտապանի թույլտվության (չվավերացված) գործարքի հայտնաբերման դեպքում Քարտապանը պարտավոր է անմիջապես տեղեկացնել Բանկին:
Կապի միջոցները․ Տեղեկացումը կարող է կատարվել Բանկի հեռախոսակապի միջոցով, Կոնտակտային կենտրոնին 8787 հեռախոսահամարով զանգահարելու միջոցով, կամ Բանկի մասնաճյուղ այցելելով:
Մինչև Բանկին տեղեկացնելը․ Քարտապանի կողմից քարտի կորստի կամ չվավերացված գործարքի մասին Բանկին չտեղեկացնելու ժամանակահատվածում կատարված գործարքների վնասի ռիսկը կրում է Քարտապանը, բացառությամբ այն դեպքերի, երբ գործարքը կատարվել է առանց քարտապանի նույնականացման (օրինակ՝ առանց 3D Secure կոդի կամ PIN-ի) կամ Բանկի անվտանգության համակարգի թերացման պատճառով:
Բանկին տեղեկացնելուց հետո․ Քարտապանի կողմից Բանկին տեղեկացնելուց և քարտի բլոկավորումից հետո իրականացված բոլոր չվավերացված գործարքների համար պատասխանատվությունը և վնասը ամբողջությամբ կրում է Բանկը:
Բանկի բացառիկ պատասխանատվությունը․ Բանկը կրում է ամբողջական պատասխանատվություն Քարտապանի առջև այն վնասների համար, որոնք առաջացել են Բանկի աշխատակիցների մեղքով, համակարգային տեխնիկական սխալների կամ Բանկի կողմից քարտը ժամանակին չբլոկավորելու հետևանքով:
Քարտապանի լրիվ պատասխանատվությունը․ Քարտապանը կրում է ամբողջական նյութական պատասխանատվություն բոլոր գործարքների (այդ թվում՝ չվավերացված) համար, եթե ապացուցվի, որ վնասը հասցվել է նրա խարդախ, դիտավորյալ գործողությունների կամ կոպիտ անփութության (օրինակ՝ PIN կոդը քարտի վրա գրելու) հետևանքով:
Բանկոմատի կողմից քարտը կարող է առգրավվել հետևյալ դեպքերում՝
- PIN կոդի սխալ մուտքագրում. Գաղտնաբառը (PIN) երեք անգամ հաջորդաբար սխալ մուտքագրելու դեպքում (անվտանգության նկատառումներից ելնելով)
- Ժամկետանց կամ արգելափակված քարտ. Եթե քարտի վավերականության ժամկետն ավարտվել է, կամ այն նախապես արգելափակվել է հաճախորդի կողմից (օրինակ՝ կորստի/գողության պատճառով)
- Քարտը ժամանակին չվերցնելը. Եթե գործառնության ավարտից հետո հաճախորդը սահմանված ժամանակահատվածում (սովորաբար 20-30 վայրկյան) չի վերցնում քարտը բանկոմատից
- Մեխանիկական կամ մագնիսական վնասվածք. Եթե քարտի չիպը կամ մագնիսական ժապավենը վնասված են, և բանկոմատը չի կարողանում ընթերցել տվյալները
- Բանկի կողմից սահմանված սահմանափակումներ. Եթե առկա է Բանկի հատուկ հրահանգ կամ կասկածելի գործարքների պատճառով քարտը գտնվում է «բլոկավորված» կարգավիճակում
- Բանկոմատի տեխնիկական խափանում. Էլեկտրաէներգիայի տատանումների, ծրագրային կամ մեխանիկական անսարքությունների պատճառով
Քարտի կորստի կամ առգրավման մասին պետք է անհապաղ տեղեկացնել Բանկին հետևյալ եղանակներով՝
- զանգահարելով Բանկի 87-87 շուրջօրյա հեռախոսահամարին և հայտնելով ԱԱՀ, ծննդյան ամսաթիվ, Պայմանագրի մեջ նշված թվային գաղտնագրի և/կամ այլ անձնական տվյալների/ հասցե կամ Հաճախորդի անձը հաստատող փաստաթղթի համարը: Բանկը կարող է պահանջել Հաճախորդի բանավոր կարգադրության գրավոր հաստատում, նախքան քարտն արգելափակելը: Բանավոր դիմում ստանալուց և Հաճախորդի ինքնությունը ճշտելուց հետո քարտն արգելափակվում է Հաճախորդի կողմից նշված և սակագներով սահմանված տարբերակով
- ներկայանալով Բանկի ցանկացած մասնաճյուղ
- անձը հաստատելուց հետո քարտն արգելափակվում է առավելագույնը 30 րոպեի ընթացքում
- արգելափակումից հետո քարտը հայտնաբերվելու դեպքում` Հաճախորդը պետք է տեղեկացնի այդ մասին Բանկին: Քարտը կարող է վերականգնվել/արգելափակումից հանվել սակագներով սահմանված վճարները գանձելուց հետո (առկայության դեպքում)
Քարտը բանկոմատի կողմից առգրավվելու դեպքում՝
- եթե քարտը առգրավվել է Բանկի մասնաճյուղի տարածքում տեղադրված բանկոմատի կողմից աշխատանքային ժամերին, ապա անհրաժեշտ է անձը հաստատող փաստաթղթով մոտենալ տվյալ մասնաճյուղի պատասխանատու աշխատակցին և տեղում ստանալ քարտը, եթե չկա քարտը Բանկի կողմից չտրամադրելու որևէ պատճառ
- եթե քարտը առգրավվել է Բանկի մասնաճյուղի տարածքից դուրս գտնվող բանկոմատի կողմից կամ ոչ աշխատանքային ժամերին ապա անհրաժեշտ է զանգահարել 87-87 շուրջօրյա հեռախոսահամարով․ Կոնտակտային կենտրոնի աշխատակիցը ճշտում է կատարում Հաճախորդին հարմար մասնաճյուղի վերաբերյալ, որից հետո անձը հաստատող փաստաթղթով զանգը ստանալուց 5 աշխատանքային օր հետո անհրաժեշտ է մոտենալ նշված մասնաճյուղ և ստանալ քարտը, եթե չկա քարտը Բանկի կողմից չտրամադրելու որևէ պատճառ
- եթե քարտը առգրավվել է ՀՀ տարածքում գտնվող այլ բանկի բանկոմատում, ապա անհրաժեշտ է զանգահարել 87-87 շուրջօրյա հեռախոսահամարով, Կոնտակտային կենտրոնի աշխատակիցը ճշտում է կատարում քարտի առգրավման հետ կապված։ Այլ բանկը քարտը փոխանցում է ՎՏԲ-Հայաստան Բանկի գլխամաս, ինչից հետո Հաճախորդը անձը հաստատող փաստաթղթով կարող է մոտենալ ՎՏԲ-Հայաստան Բանկի գլխամաս և ստանալ քարտը: Բոլոր այլ հարցերի դեպքում անհրաժեշտ է զանգահարել երրորդ բանկ՝ այդ բանկի բանկոմատի վրա նշված հեռախոսահամարով
- եթե քարտը առգրավվել է ՀՀ տարածքից դուրս գտնվող այլ բանկի բանկոմատի կողմից, ապա անհրաժեշտ է կապ հաստատել տվյալ բանկի հետ և հետևել ցուցումներին
- Քարտը բանկոմատի միջոցով առգրավվելու օրվանից 180 օրվա ընթացքում Հաճախորդի կողմից քարտը չստանալու դեպքում, Բանկն իրավունք ունի ոչնչացնել քարտը, փակել հաշիվները՝ դրական մնացորդը փոխանցելով Բանկում առկա այլ հաշիվներին կամ Բանկի տարանցիկ հաշվին, որը ստանալու համար անհրաժեշտ է անձը հաստատող փաստաթղթով մոտենալ Բանկի ցանկացած մասնաճյուղ՝ բացառությամբ քարտին տրամադրված վարկային գծի առկայության դեպքերի, որի պարագայում վարկային քարտն ու քարտային հաշիվները փակվում են միայն այն պարագայում, երբ տվյալ Վարկային քարտին տրամադրված Վարկային գծի մասով չկան պարտավորություններ /տվյալ դեպքում Վարկային քարտին վարկային գծի տրամադրման պայմանգիրը համարում է լուծված/դադարեցված, իսկ վարկն ուղղվում է մարման
Քարտի բլոկավորումը և ապաբլոկավորումը կարող է իրականացվել ինչպես Բանկի այնպես էլ Հաճախորդի նախաձեռնությամբ ելնելով անվտանգության, իրավական կամ գործառնական հիմքերից։
- Քարտապանը կարող է բլոկավորել քարտը զանգահարել 87-87 շուրջօրյա հեռախոսահամարով՝ գողանալու, կորստի, վնասելու և այլ դեպքերում
- Քարտապանը կարող է ապաբլոկավորել քարտը դիմելով Բանկի մասնաճյուղ
