MIR Salary

• MIR վճարային համակարգի դեբետային քարտը (այսուհետ՝ քարտ) բացվում է ՀՀ ռեզիդենտ և ոչ ռեզիդենտ ֆիզիկական անձանց (այսուհետ՝ Հաճախորդ) կողմից Դիմում-պայմանագրի (այսուհետ՝ Պայմանագիր) կնքման դեպքում և տրամադրվում է 3-5 աշխատանքային օրվա ընթացքում
• Քարտը բացվում  է  անձը հաստատող փաստաթղթի և հանրային ծառայության համարանիշի տվյալի /սոցիալական քարտ/ հանրային ծառայության համարանիշի /սոցիալական քարտ չունենալու տեղեկանքի ներկայացմամբ: Անձի մոտ փաստացի հանրային ծառայության համարանիշի տվյալների /սոցիալական քարտի / հանրային ծառայության համարանիշի /սոցիալական քարտ չունենալու տեղեկանքի բացակայության դեպքում Բանկը Հաճախորդի համաձայնությամբ տվյալները ստանում է ԷԿԵՆԳ համակարգից: Ներկայացված փաստաթղթերի էությունից ելնելով, ինչպես նաև Հաճախորդի ռեզիդենտության կարգավիճակը պարզելու համար`  «ՎՏԲ Հայաստան Բանկ» ՓԲԸ-ն (այսուհետ՝ Բանկ) կարող է պահանջել լրացուցիչ փաստաթղթեր և տեղեկատվություն
• Քարտը բացվում է Պայմանագրի ստորագրման օրը: Պայմանագիրը կնքվում է 5 տարի ժամկետով
• Քարտի բացման համար նվազագույն մնացորդ սահմանված չէ
• Քարտին կցվում է 4 արժույթով հաշիվ՝ AMD, RUB, USD, EUR արժույթներով
• Նույն քարտային հաշվով հնարավոր է բացել անվանական կից քարտ ընտանիքի անդամի համար
• Անանուն քարտը բացվում է միայն AMD արժույթով, որի վրա բացակայում է CVV-կոդը
• Քարտը բացվում է MIR վճարային համակարգով։ Քարտի սպասարկման տարածաշրջանը սահմանվում է MIR վճարային համակարգի կողմից
• Քարտի սպասարկումը ու միջնորդավճարների գանձումը իրականացվում է երկկողմանի կնքվող Պայմանագրի, տվյալ քարտի տեսակի համար սահմանված սակագների, Դեբետային քարտերի տրամադրման կանոնների հիման վրա՝ համաձայն  «ՎՏԲ-Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմաններ և կանոնների» (այսուհետ՝ Օֆերտա) 8-րդ գլխի, ինչպես նաև ՀՀ օրենսդրության և վճարային կազմակերպությունների պահանջների։ 
• Քարտի սպասարկման համար վճարը գանձվում է Պայմանագրի ստորագրման պահին: Հետագայում, վճարման ամսական եղանակի ընտրության դեպքում, քարտի ամսական սպասարկման միջնորդավճարը (կիրառման դեպքում) գանձվում է ընթացիկ ամսվա վերջին աշխատանքային օրը, իսկ տարեկան եղանակի ընտրության պարագայում՝ գանձվում է հաշվից յուրաքանչյուր հաջորդող օրացուցային տարվա առաջին ամսվա առաջին աշխատանքային օրը՝ քարտի գործողության ողջ ժամկետի ընթացքում՝ առանց լրացուցիչ թույլտվության։ Գանձման պահին Քարտի կամ Հաճախորդի այլ հաշիվների վրա բավարար դրամական միջոցների բացակայության դեպքում տվյալ ամսվա սպասարկման վճարը գանձվում է քարտի կամ այլ հաշիվներին դրամական միջոցների մուտքագրման առաջին օրը

Քարտով հնարավոր է իրականացվել հետևյալ գործարքները`

• կանխիկ և անկանխիկ եղանակով դրամական միջոցների մուտքեր և ելքեր
• փոխանցումներ Բանկի քարտային և բանկային հաշիվների միջև
• քարտից քարտ փոխանցումներ` ներբանկային, ՀՀ տարածքում և ՀՀ տարածքից դուրս
• անկանխիկ արտարժույթի փոխարկման գործարքներ
• ապրանքների և ծառայությունների համար անկանխիկ վճարումներ (POS / VPOS եղանակներով)
• առցանց գործարքներ (MIR վճարային համակարգի քարտերը սպասարկող կայքերում)
• NFC կամ այլ թոկենիզացված քարտի կիրառմամբ անհպում վճարումներ
• NFC կամ այլ թոկենիզացված քարտի կիրառմամբ դրամական միջոցների ելքեր ՀՀ տարածքում և ՀՀ տարածքից դուրս
• այլ գործարքներ՝ համաձայն Բանկում գործող վճարային քարտերի պայմանների և սակագների
• հեռահար գործառնություններ «Վիդեո բանկինգ» ծառայության միջոցով

     Քարտը հնարավոր է համալրել հետևյալ եղանակներով՝

• VTB Online հավելվածում՝ 24/7 ռեժիմով
• Cash in բանկոմատներով (Բանկի բանկոմատներ և ՀՀ տարածքից դուրս MIR քարտեր սպասարկող բանկոմատներ)
• Բանկի մասնաճյուղերում
• «Վիդեո բանկինգ» ծառայության միջոցով
• Վճարային տերմինալների և էլեկտրոնային դրամապանակների միջոցով
• «Հայփոստ» ՓԲԸ բաժանմունքներում

Քարտով գործարքները հնարավոր է իրականացնել ինչպես քարտային հաշվի արժույթով, այնպես էլ քարտային հաշվի արժույթից տարբերվող արժույթով։

• քարտային գործարքների հաշվեգրման ընթացքում առաջնահերթության սկզբունքով դեբետագրումը կատարվում է այն հաշիվից, որի արժույթով կատարվել է գործարքը
• տվյալ հաշվին գումարի բացակայության կամ ոչ բավարար լինելու դեպքում դեբետագրումը կատարվում է մնացած արժույթների հաշիվներից և համակարգը ըստ հերթականության փորձում է գումարի դեբետագրում կատարել այն հաշվից, որի վրա բավարար չափով գումար կա
• եթե հաշիվներին չկա բավարար գումարի չափը, ապա համակարգը հերթականությամբ փորձում է դեբետագրումը կատարել բոլոր հաշիվների առկա մնացորդներից
• նման պարագայում գործարքներ հաշվառելիս՝ Բանկը կիրառում է գործարքի հաշվեգրման օրվա ընթացքում գործող Բանկի կողմից սահմանած անկանխիկ փոխարժեքները
• քարտով գործառնությունների, այդ թվում նաև` արտարժույթի փոխանակում պահանջող գործարքների, հաշվառման համար անհրաժեշտ գումարի բացակայության կամ ոչ բավարար լինելու դեպքում Բանկը կարող է, առանց Հաճախորդի նախնական հավանության կամ հետագա համաձայնության, սահմանել քարտային հաշվի գծով գերածախս, արգելափակել քարտը` գանձելով գերածախսի գումարը, սակագներով սահմանված տոկոսը (առկայության դեպքում նաև տույժեր)
•  քարտը արգելափակումից կհանվի տոկոսի/տույժերի և/կամ գերածախսի վճարումից հետո:
• Քարտը թույլ չի տրվում օգտագործել որևէ անօրինական գործունեության կամ դրանից բխող  գործարքների համար: Քարտային գործարքների օրինականության շուրջ որևէ կասկածի առկայության դեպքում Բանկն իրավունք ունի առանց Հաճախորդին ծանուցելու չհաստատել գործարքը և/կամ արգելափակել քարտը: Բանկը կարող է նաև լրացուցիչ տեղեկություններ և փաստաթղթեր պահանջել` մինչև գործարքը կատարելը
• Բանկը կարող է չհաստատել գործարքները և/կամ արգելափակել քարտը, եթե քարտային գործարքները կապված են հանրության կարգերին ու բարոյականությանը հակասող գործարքների հետ
• Բանկը երաշխավորում է Հաճախորդի կողմից կատարված գործառնությունների գաղտնիությունը՝ համաձայն «Բանկային գաղտնիքի մասին» ՀՀ օրենքի
• Բանկի ներքին ակտերի փոփոխության դեպքում, որոնք ազդեցություն են ունենում Քարտի պայմանագրի պայմանների վրա կամ հանգեցնում են կողմերի իրավունքների, պարտականությունների կամ պատասխանատվության սահմանման, փոփոխման կամ դադարեցման, և որոնց արդյունքում փոփոխվում է տարեկան սպասարկման վճարը, Բանկը պարտավոր է Հաճախորդին՝ նրա կողմից ընտրված եղանակով, տեղեկացնել նոր պայմանների մասին ոչ ուշ, քան փոփոխությունների ուժի մեջ մտնելու օրվանից 15 օր առաջ

Քարտը ստանալուց անմիջապես հետո Հաճախորդի կողմից քարտի տրամադրման Պայմանագրում նշված բջջային հեռախոսահամարին ուղարկվում է ժամանակավոր PIN-ծածկագիր (բացառությամբ այն դեպքերի, երբ PIN-ծածկագիրը տրամադրվում է փակ ծրարով), որը կարելի է փոխել ինքնուրույն՝ Բանկի ցանկացած բանկոմատի միջոցով՝ քարտի առաջին մուտքագրման պահին հետևյալ սկզբունքով՝

• քարտը տեղադրել Բանկի ցանկացած բանկոմատի մեջ
• էկրանին մուտքագրել բջջային հեռախոսահամարին ստացված ժամանակավոր PIN-ծածկագիրը
• ընտրել «այլ գործարքներ/ծառայություններ»
• ընտրել «PIN-կոդի փոփոխություն»
• մուտքագրել ինքնուրույն որոշված քառանիշ PIN-ծածկագիր
• հաստատել PIN-ծածկագիրը և ավարտել գործարքը կամ իրականացնել բանկոմատով հասանելի այլ գործարք
• PIN-ծածկագիրը կիրառվում է բանկոմատներում և առևտրի սպասարկման կետերում գործարքներ կատարելիս
• PIN-ծածկագիրը ենթակա չէ հրապարակման կամ տրամադրման երրորդ անձանց
• Անհրաժեշտ է ուշադիր լինել ծածկագիրը մուտքագրելիս, քանի որ այն երեք անգամ շարունակաբար սխալ մուտքագրելու դեպքում քարտն արգելափակվում է և արգելահանվում է միայն Հաճախորդի գրավոր դիմումի (մասնաճյուղերում) կամ բանավոր դիմելու (Հաճախորդների կենտրոնի հետ կապ հաստատելու և նույնականացվելուց հետո) հիման վրա, որի դիմաց գանձվում են Բանկի սակագներով նախատեսված վճարներ
• Ցանկացած պահի PIN-ծածկագիրը կարող է փոփոխվել Բանկի ցանկացած բանկոմատի միջոցով

Բանկոմատի կողմից քարտը կարող է առգրավվել հետևյալ դեպքերում՝

• PIN-ծածկագրի սխալ մուտքագրում. Գաղտնաբառը (PIN) երեք անգամ հաջորդաբար սխալ մուտքագրելու դեպքում (անվտանգության նկատառումներից ելնելով)
• Ժամկետանց կամ արգելափակված քարտ. Եթե քարտի վավերականության ժամկետն ավարտվել է, կամ այն նախապես արգելափակվել է հաճախորդի կողմից (օրինակ՝ կորստի/գողության պատճառով)
• Քարտը ժամանակին չվերցնելը. Եթե գործառնության ավարտից հետո հաճախորդը սահմանված ժամանակահատվածում (սովորաբար 20-30 վայրկյան) չի վերցնում քարտը բանկոմատից:
• Մեխանիկական կամ մագնիսական վնասվածք. Եթե քարտի չիպը կամ մագնիսական ժապավենը վնասված են, և բանկոմատը չի կարողանում ընթերցել տվյալները:
• Բանկի կողմից սահմանված սահմանափակումներ. Եթե առկա է բանկի հատուկ հրահանգ կամ կասկածելի գործարքների պատճառով քարտը գտնվում է «բլոկավորված» կարգավիճակում:
• Բանկոմատի տեխնիկական խափանում. Էլեկտրաէներգիայի տատանումների, ծրագրային կամ մեխանիկական անսարքությունների պատճառով                                                                             

Քարտի կորստի կամ առգրավման մասին պետք է անհապաղ տեղեկացնել Բանկին հետևյալ եղանակներով՝

• զանգահարելով Բանկի 87-87 շուրջօրյա հեռախոսահամարին և հայտնելով ԱԱՀ, ծննդյան ամսաթիվ, Պայմանագրի մեջ նշված թվային գաղտնագրի և/կամ այլ անձնական տվյալների/ հասցե կամ Հաճախորդի անձը հաստատող փաստաթղթի համարը: Բանկը կարող է պահանջել Հաճախորդի բանավոր կարգադրության գրավոր հաստատում, նախքան քարտն արգելափակելը: Բանավոր դիմում ստանալուց և Հաճախորդի ինքնությունը ճշտելուց հետո քարտն արգելափակվում է Հաճախորդի կողմից նշված և սակագներով սահմանված տարբերակով
• ներկայանալով Բանկի ցանկացած մասնաճյուղ
• անձը հաստատելուց հետո քարտն արգելափակվում է առավելագույնը  30 րոպեի ընթացքում
• արգելափակումից հետո քարտը հայտնաբերվելու դեպքում` Հաճախորդը պետք է տեղեկացնի այդ մասին Բանկին: Քարտը կարող է վերականգնվել/արգելափակումից հանվել սակագներով սահմանված վճարները գանձելուց հետո (առկայության դեպքում)

Քարտը բանկոմատի կողմից առգրավվելու դեպքում՝

• եթե քարտը առգրավվել է Բանկի մասնաճյուղի տարածքում տեղադրված բանկոմատի կողմից աշխատանքային ժամերին, ապա անհրաժեշտ է անձը հաստատող փաստաթղթով մոտենալ տվյալ մասնաճյուղի պատասխանատու աշխատակցին և տեղում ստանալ քարտը, եթե չկա քարտը Բանկի կողմից չտրամադրելու որևէ պատճառ,
• եթե քարտը առգրավվել է Բանկի մասնաճյուղի տարածքից դուրս գտնվող բանկոմատի կողմից կամ ոչ աշխատանքային ժամերին ապա անհրաժեշտ է զանգահարել 87-87 շուրջօրյա հեռախոսահամարով․ Կոնտակտային կենտրոնի աշխատակիցը ճշտում է կատարում Հաճախորդին հարմար մասնաճյուղի վերաբերյալ, որից հետո անձը հաստատող փաստաթղթով զանգը ստանալուց 5 աշխատանքային օր հետո անհրաժեշտ է մոտենալ նշված մասնաճյուղ և ստանալ քարտը, եթե չկա քարտը Բանկի կողմից չտրամադրելու որևէ պատճառ,
• եթե քարտը առգրավվել է ՀՀ տարածքում գտնվող այլ բանկի բանկոմատում, ապա անհրաժեշտ է զանգահարել 87-87 շուրջօրյա հեռախոսահամարով, Կոնտակտային կենտրոնի աշխատակիցը ճշտում է կատարում քարտի առգրավման հետ կապված։ Այլ բանկը քարտը փոխանցում է ՎՏԲ-Հայաստան Բանկի գլխամաս, ինչից հետո  Հաճախորդը անձը հաստատող փաստաթղթով կարող է մոտենալ ՎՏԲ-Հայաստան Բանկի գլխամաս և ստանալ քարտը: Բոլոր այլ հարցերի դեպքում անհրաժեշտ է զանգահարել երրորդ  բանկ՝ այդ բանկի բանկոմատի վրա նշված հեռախոսահամարով
• եթե քարտն առգրավվել է ՀՀ տարածքից դուրս գտնվող այլ բանկի բանկոմատի կողմից, ապա անհրաժեշտ է կապ հաստատել տվյալ բանկի հետ և հետևել ցուցումներին
• Քարտը բանկոմատի միջոցով առգրավվելու օրվանից 180 օրվա ընթացքում Հաճախորդի կողմից քարտը չստանալու դեպքում, Բանկն իրավունք ունի ոչնչացնել քարտը, փակել հաշիվները՝ դրական մնացորդը փոխանցելով Բանկում առկա այլ հաշիվներին կամ Բանկի տարանցիկ հաշվին, որը ստանալու համար  անհրաժեշտ է անձը հաստատող փաստաթղթով մոտենալ Բանկի ցանկացած մասնաճյուղ՝ բացառությամբ քարտին տրամադրված վարկային գծի առկայության դեպքերի։ Տվյալ դեպքում՝ վարկային քարտն ու քարտային հաշիվները փակվում են միայն այն պարագայում, երբ Վարկային քարտին տրամադրված Վարկային գծի մասով չկան պարտավորություններ (տվյալ դեպքում Վարկային քարտին վարկային գծի տրամադրման պայմանագիրը համարվում է լուծված/դադարեցված, իսկ վարկը մարվում է)։

Քարտի բլոկավորումը և ապաբլոկավորումը կարող է իրականացվել ինչպես Բանկի այնպես էլ Հաճախորդի նախաձեռնությամբ` ելնելով անվտանգության, իրավական կամ գործառնական հիմքերից։

• Քարտապանը կարող է բլոկավորել քարտը` զանգահարելով 87-87 շուրջօրյա հեռախոսահամարով՝ գողանալու, կորստի, վնասելու և այլ դեպքերում։
• Քարտապանը կարող է ապաբլոկավորել քարտը՝ դիմելով Բանկի մասնաճյուղ

• Բանկի կողմից թողարկված քարտերի քարտապանների՝ բանկոմատներից չստացված գումարի վերաբերյալ վիճարկման դիմումները պետք է ներկայացվեն Հաճախորդի կողմից առավելագույնը 1 տարվա ընթացքում՝ գումարի չստացման փաստը հայտնաբերելու պահից սկսած։ Նշված ժամկետից հետո ներկայացված դիմումները Բանկի կողմից ենթակա չեն քննության։
• Բողոքը Բողոքների կենտրոնի կողմից ուսումնասիրվում և քննվում է, պատասխանը պատրաստվում և ուղարկվում է Բողոքը Բանկ մուտքագրվելուց ոչ ուշ, քան 10-րդ աշխատանքային օրը, իսկ Դիմումի դեպքում՝ ոչ ուշ, քան 20-րդ աշխատանքային օրը, բացառությամբ միջազգային վճարային համակարգերի կողմից ուսումնասիրվող բողոքների, որոնց պատասխանները տրամադրվում են մինչև 90 օր ժամկետում, իսկ արբիտրաժում քննվող գործերի դեպքում գործընթացը կարող է տևել մինչև 180 օր։

• Զեղծարարությունն այլ անձի քարտի տվյալների (քարտի համար, CVV-կոդ, PIN-կոդ, մեկանգամյա գաղտնաբառեր) ապօրինի ձեռքբերումն ու օգտագործումն է՝ հաշվից գումար գողանալու նպատակով: Զեղծարարության տեսակներից են ՝

Ֆիշինգ - կեղծ հղումների միջոցով Ձեր տվյալների կորզում,

Վիշինգ - հեռախոսազանգեր, երբ ներկայանում են որպես բանկի աշխատակից և խնդրում հայտնել SMS-կոդը կամ PIN-ը,

Սքիմինգ- բանկոմատների վրա տեղադրված սարքերի միջոցով քարտի տվյալների պատճենում:

• Հաճախորդի դրամական միջոցների անվտանգությունը Բանկի առաջնահերթությունն է։ Ստորև ներկայացնում ենք կարևոր տեղեկատվություն այն մասին, թե ինչպես է Բանկը պաշտպանում Հաճախորդի գործարքները, և ինչպես կարող է Հաճախորդը խուսափել հնարավոր զեղծարարություններից։

Բանկը կիրառում է ռիսկերի զսպման մեխանիզմներ, պաշտպանության բազմաշերտ համակարգեր.

• 3D Secure համակարգ: Ինտերնետային գնումների ժամանակ գործարքը հաստատվում է միայն Հաճախորդի հեռախոսահամարին ուղարկված մեկանգամյա գաղտնաբառի միջոցով։
• Գործարքների մոնիտորինգ: Բանկի ավտոմատացված համակարգերը վերլուծում են գործարքները և կասկածելի ակտիվության դեպքում կարող են ժամանակավորապես բլոկավորել քարտը։
• Սահմանաչափերի կառավարում: Հաճախորդը կարող է սահմանել օրական կանխիկացման կամ անկանխիկ գործարքների առավելագույն սահմանաչափեր։
• Արագ արգելափակում: Բանկի շուրջօրյա Կոնտակտային կենտրոնի միջոցով քարտն անմիջապես արգելափակելու հնարավորություն։

Օգտակար խորհուրդներ անվտանգության համար

• Գաղտնիություն: Երբեք և ոչ մեկին (այդ թվում՝ բանկի աշխատակից ներկայացող անձանց) մի՛ հայտնեք Ձեր քարտի PIN-կոդը, CVV-կոդը (քարտի հակառակ կողմի 3 նիշը) կամ SMS-ով ստացված գաղտնաբառերը։
• Զգոնություն հղումների հանդեպ: Խուսափեք էլեկտրոնային կասկածելի նամակներով կամ մեսենջերներով ստացված հղումներով քարտային տվյալներ լրացնելուց (Ֆիշինգ)։ Միշտ ստուգեք կայքի հասցեն։
• Անվտանգ կանխիկացում: Բանկոմատից օգտվելիս համոզվեք, որ ստեղնաշարի կամ քարտի ընդունիչի վրա չկան կասկածելի սարքավորումներ։
• Ծանուցումներ: Ակտիվացրեք SMS կամ Push-ծանուցումները՝ յուրաքանչյուր գործարքի մասին ակնթարթորեն տեղեկանալու համար։

• Քարտի գործողության ժամկետի ավարտից հետո Բանկը վերաթողարկում է քարտը Հաճախորդի պահանջով՝ մասնաճյուղ կամ Կոնտակտային կենտրոն դիմելու պարագայում: Բանկն ավտոմատ վերաթողարկում է միայն աշխատավարձային և թոշակային այն քարտերը, որոնք համապատասխանում են Բանկի կողմից սահմանված պահանջներին։ Նշված քարտերը նույն ամսվա մեջ վերաթողարկվում և ուղարկվում են այն մասնաճյուղեր, որտեղ ի սկզբանե բացվել են այդ քարտերը։ Ժամկետը լրանալու դեպքում՝ քարտերը վերաթողարկվում են անվճար
• Քարտի գործողության ժամկետի ավարտից հետո Հաճախորդը պարտավոր է քարտը վերադարձնել Բանկ
• Բանկը չի կրում պատասխանատվություն, եթե Հաճախորդի կողմից տրամադրված հեռախոսահամարը սխալ է կամ բացակայում է
• Քարտի ժամկետի ավարտից հետո ավտոմատ վերաթողարկում չի իրականացվում և հաշիվը փակվում է, եթե՝

1. վերջին 6 ամսում հաճախորդի նախաձեռնությամբ գործարք չի իրականացվել (բացառությամբ Բանկի կողմից իրականացված ավտոմատ գործարքների) և քարտային հաշիվների գումարային մնացորդը չի գերազանցում 10,000 (տասը հազար) ՀՀ դրամը
2. քարտի գծով առկա է սպասարկման վճարի պարտք (3 ամիս և ավել)

• Քարտը կարող է չվերաթողարկվել Բանկի ներքին իրավական ակտի հիման վրա՝ այդ մասին Հաճախորդին նախապես ծանուցելու պայմանով
• Հաճախորդի կողմից վերջին 6 ամսում իր նախաձեռնությամբ քարտով գործարք չկատարելու (բացառությամբ Բանկի կողմից իրականացված ավտոմատ գործարքների) և հաշիվների մնացորդային գումարը 10,000 (տասը հազար) ՀՀ դրամը գերազանցելու դեպքում քարտի ֆիզիկապես վերաթողարկումն իրականացվում է Հաճախորդի կողմից Բանկ համապատասխան դիմում ներկայացնելու դեպքում
• Բանկն իրավունք ունի միակողմանի՝ առանց Հաճախորդին ծանուցելու, լուծել Պայմանագիրը և ոչնչացնել քարտը, եթե Հաճախոորդը չի ներկայացել այն ստանալու համար՝ քարտը վերցնելու մասին Հաճախորդին տեղեկացնելու օրվան հաջորդող 730 օրացուցային օրերի ընթացքում, իսկ այն քարտերի մասով, որոնց վրա առկա է չօգտագործված վարկային գիծ՝ 180 օրացուցային օրը լրանալուց հետո (վարկը ավտոմատ մարվում է, վարկային գծի տրամադրման պայմանագիրը համարվում է լուծված/դադարած)
• Բանկն իրավունք ունի միակողմանի՝ առանց Հաճախորդին նախապես տեղեկացնելու, փակել քարտն ու քարտային հաշիվները, եթե վերջին 12 ամսվա ընթացքում Հաճախորդի կողմից քարտով որևէ գործարք չի կատարվել և քարտային հաշվին առկա միջոցները 10,000 ՀՀ դրամից քիչ են: Ընդ որում հաշվին առկա դրական մնացորդը տեղափոխվում է Բանկում առկա Հաճախորդի այլ հաշիվներին/քարտերին կամ Բանկի տարանցիկ հաշվին: Հաճախորդի հաշիվներին առկա մնացորդի գումարը ստանալու համար անհրաժեշտ է անձը հաստատող փաստաթղթով մոտենալ Բանկի ցանկացած մասնաճյուղ
• Բանկն իրավունք ունի չլուծել Պայմանագիրը, եթե Հաճախորդի հաշիվներին առկա գումարները բավարար չեն Բանկի հանդեպ Հաճախորդի ստանձնած պարտավորությունների մարման համար, ընդ որում՝ այդ պարագայում Հաճախորդի քարտի նկատմամբ կարող են կիրառվել Սակագներով սահմանված վճարներ /առկայության դեպքում/
• Հաճախորդն իրավունք ունի գրավոր դիմել Բանկին` պահանջելով լուծել Պայմանագիրը և դադարեցնել քարտի հետագա սպասարկումը` միաժամանակ մարելով Բանկի նկատմամբ պարտավորությունները կամ ապահովելով առնվազն Բանկի նկատմամբ նշված քարտի գծով առկա պարտավորությունների գումարի չափով  դրական մնացորդ: Հաճախորդի կողմից լրացրած դիմումը (Բանկի կողմից սահմանված տիպային ձևին համապատասխան) ստանալու պահից 5 (հինգ) աշխատանքային օրվա ընթացքում Բանկը կդադարեցնի Քարտի գործողությունը` մարելով Բանկի հանդեպ Հաճախորդի պարտավորությունները Բանկում՝ Հաճախորդի հաշիվներին առկա գումարներից
• Քարտի պայմանագրի գործողությունը դադարեցնելուց Հաճախորդի քարտային հաշիվը կփակվի, իսկ քարտային հաշվին առկա միջոցները կփոխանցվեն Հաճախորդի` Բանկում առկա այլ հաշիվներին կամ կտրամադրվեն Հաճախորդին` իր նախընտրած եղանակով:

Քարտային հաշվի փակման գործընթացը լիարժեք համարելու համար անհրաժեշտ է հետևել սահմանված կանոններին.

• Քարտի հանձնում: Հաշվի փակման դիմում ներկայացնելիս՝ Հաճախորդը պարտավոր է Բանկին վերադարձնել իր մոտ առկա բոլոր գործող քարտերը (հիմնական և կցված):
• Քարտի ոչնչացում: Վերադարձված քարտերը ոչնչացվում են Բանկի կողմից, որպեսզի բացառվի դրանց հետագա օգտագործումը:
• Պատասխանատվություն: Քարտը չվերադարձնելու դեպքում Հաճախորդը կրում է լիակատար պատասխանատվություն այդ քարտով կատարված բոլոր գործառնությունների և հնարավոր զեղծարարությունների հետևանքով առաջացած վնասների համար:
• Վնասների հատուցում: Եթե քարտը չվերադարձնելու հետևանքով Բանկը կրում է նյութական վնաս, ապա Հաճախորդը պարտավոր է հատուցել այն ՀՀ օրենսդրությամբ սահմանված կարգով:

Քարտի և ծածկագրի օգտագործման հետ կապված բոլոր տեսակի ռիսկերը կրում է Հաճախորդը և Բանկը որևէ պատասխանատվություն չի կրում քարտի կամ ծածկագրի օգտագործման հետևանքով իր կրած վնասների համար, բացառությամբ այն դեպքերի, երբ վնասը պատճառվել է Բանկի մեղքով։

Քարտի անվտանգությունն ապահովելու և դրա անթույլատրելի օգտագործումը բացառելու նպատակով անհրաժեշտ է՝

• Քարտը պահպանել ապահով վայրում, այնպես, որ այն հասանելի չլինի այլ անձանց
• Քարտը չպահել էլեկտրամագնիսական ճառագայթման աղբյուրներին (բջջային հեռախոսներին, հեռուստացույցներին և այլ էլեկտրական տեխնիկային) մոտ, ինչպես նաև այլ քարտերի հետ մեկտեղ
• չտրամադրել ծածկագիրը երրորդ անձանց` ներառյալ Բանկի աշխատակիցներին
• հիշել ծածկագիրը և չգրառել այն որևէ տեղ, առավել ևս` Քարտի հակառակ կողմում: Խորհուրդ չի տրվում Քարտը և ծածկագիրը պահպանել համատեղ
• չպատասխանել էլեկտրոնային կամ փոստային նամակների, ինչպես նաև այլ հաղորդագրությունների, որոնք պահանջում են հայտնել ծածկագիրը, Քարտի համարը կամ Քարտի հակառակ կողմում առկա եռանիշ թվերը (CVV2-կոդը)
• եթե ինտերնետի միջոցով գործարք կատարելիս պահանջվում է ծածկագրի մուտքագրում, անհրաժեշտ է անհապաղ հրաժարվել գործարքից: Ծածկագիրն անհրաժեշտ է միայն բանկոմատներում և կանխիկացման համար նախատեսված POS-տերմինալներում գործարքներ կատարելիս, ինչպես նաև, առևտրային կետերում ապրանքի/ծառայության դիմաց վճարելիս: Ինտերնետով գործարքներ կատարելիս` օգտվել միայն վստահելի կայքերից
• բանկոմատներով գործարքներ իրականացնելիս, հետևել, որ ծածկագիրը մուտքագրելիս այն տեսանելի չլինի այլ անձանց: Անհապաղ դիմել Բանկ, եթե հիմքեր կան ենթադրելու, որ ծածկագիրը հայտնի է դարձել այլ անձանց
• հետևել, որ POS-տերմինալներով անկանխիկ գործարքներ կատարելիս, վճարումն իրականացվի Հաճախորդի ներկայությամբ և քարտը լինի տեսադաշտում
• օգտվել Քարտով կատարվող գործարքների վերաբերյալ SMS-ծանուցումներից: Վերջիններս հնարավորություն են տալիս անմիջապես տեղեկանալ Քարտով կատարված գործարքների մասին և ժամանակին միջոցներ ձեռնարկել անճշտություններն ուղղելու և Քարտի ապօրինի օգտագործումը կանխելու ուղղությամբ
• Ինտերնետում քարտի օգտագործման անվտանգությունը բարձրացնելու նպատակով՝ Բանկն օգտագործում է «3D-Secure»/«Secure Code» ծառայությունը, որի համաձայն ինտերնետում` «3D-Secure»/«Secure Code» ապահովող կայքերում, քարտով վճարում կատարելիս պետք է մուտքագրել քարտի տրամադրման պայմանագրում նշված բջջային հեռախոսահամարին ստացած մեկանգամյա գաղտնաբառը
• Բանկն իրավունք ունի մերժել ինտերնետում քարտով իրականացվող վճարումը, եթե Հաճախորդի կողմից ստորագրված քարտի տրամադրման պայմանագրում նշված չէ կամ առանց Բանկին ծանուցման փոխվել է պայմանագրում նշված բջջային հեռախոսահամարը, որի արդյունքում

1. բջջային հեռախոսահամարին չի ուղարկվում «3D-Secure»/«Secure Code» ապահովող կայքերում վճարման իրականացման համար անհրաժեշտ մեկանգամյա գաղտնաբառը
2. «3D-Secure»/«Secure Code» չապահովող կայքերում չի բացառվում երրորդ անձանց կողմից Հաճախորդի քարտի չլիազորված օգտագործման ռիսկը

Բանկը Հաճախորդին հետ Պայմանագիր կնքելիս վերջինիս տրամադրում է Քարտի օգտագործման նվազագույն պայմանները:

• Հեռակառավարման համակարգերի միջոցով (VTB Online բջջային հավելվածով) նույն գործառնական օրվա ընթացքում (մինչև 20։00) ներկայացված քարտի բացման հայտը Բանկի կողմից ընդունվում է ի կատարման տվյալ գործառնական օրվա ընթացքում և պայմանագիրը համարվում է կողմերի միջև կնքված տվայլ օրը
• Գործառնական օրից դուրս ներկայացված Հեռակառավարման համակարգերի միջոցով քարտի բացման հայտերի դեպքում հաշվի պայմանագիրը կնքված է համարվում հաջորդ գործառնական օրը
• Հեռակառավարման համակարգերի միջոցով Հաճախորդը կարող է բացել քարտ միայն իր անունից
• Հեռակառավարման համակարգերի միջոցով բացված քարտի դեպքում Բանկը Հաճախորդին է ուղարկում քարտի բացումը հաստատող, Բանկի կողմից սահմանված եղանակով հաղորդագրություն (SMS հաղորդագրություն, PUSH, E-mail և այլն) կամ քարտի բացումը մերժելու մասին հաղորդագրություն
• Հաճախորդը ստանում է Պայմանագրի իր օրինակը, տեղեկատվական ամփոփագիրը և այլ անհրաժեշտ փաստաթղթերը իր կողմից նշված E-mail հասցեին
• Հաճախորդն իրավունք ունի Բանկի գործունեության վայրում թղթային ձևով ստանալ Հեռակառավարման համակարգերով բացված քարտի փաստաթղթերի օրինակները, ինչպես նաև քարտի քաղվածքները

Ուշադրություն՝ 

• Դուք իրավունք ունեք հաղորդակցվել ֆինանսական կազմակերպության հետ Ձեր նախընտրած եղանակով՝ փոստային կապի միջոցով կամ էլեկտրոնային եղանակով: էլեկտրոնային եղանակով տեղեկատվության ստացումը ամենահարմարավետն է: Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից և ապահովում է գաղտնիություն:

• Բանկը` «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված Հաճախորդի պատշաճ ուսումնասիրության նպատակով, կարող է Հաճախորդից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ Հաճախորդին:
• Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն՝ Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:
• «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է:   

«ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ»` https://www.fininfo.am/card

• Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա։
• Առանց հաշվետիրոջ կարգադրության հաշվից դրամական միջոցների բռնագանձումը կարող է իրականացվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի հիման վրա։

• Ավանդը երաշխավորված է Ավանդների հատուցումը երաշխավորող հիմնադրամի կողմից` համաձայն  «Ֆիզիկական  անձանց ավանդների հատուցումը երաշխավորելու մասին» ՀՀ օրենքի
• Ավանդների երաշխավորվող սահմանաչափերը հետևյալն են`

• Նույն բանկում բոլոր դրամային ավանդները համարվում են մեկ ավանդ, բոլոր արտարժույթային ավանդները համարվում են մեկ ավանդ: Համատեղ ավանդը համարվում է առանձին ավանդ` պայմանագրով սահմանված մասնաբաժնի չափով
• Ավանդ են համարվում նաև ֆիզիկական անձանց կողմից Բանկում բացված բոլոր հաշիվներին/քարտերին գտնվող դրամական միջոցները և դրանց վրա հաշվարկված տոկոսագումարները

• Պայմանագրի  գործողության  ընթացքում կողմերի միջև ծագած վեճերը և տարաձայնությունները լուծվում են բանակցությունների միջոցով: Բանակցությունների միջոցով համաձայնության չգալու դեպքում՝ վեճը լուծվում է ՀՀ օրենսդրությամբ սահմանված կարգով 
• Հաճախորդն  հնարավորություն ունի Բանկի և իր միջև բխող բողոք-պահանջները ներկայացնել Ֆինանսական համակարգի հաշտարարին
• Տեղեկացնում ենք, որ Բանկը կնքել է ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ համաձայնագիր այն պահանջներով, որոնց ընդհանուր չափը չի գերազանցում 250,000 (երկու հարյուր հիսուն հազար) ՀՀ դրամը կամ համարժեք արտարժույթը և գործարքի ընդհանուր գումարը չի գերազանցում 500,000 (հինգ հարյուր հազար) ՀՀ դրամը կամ համարժեք արտարժույթը

Տեղեկատվական ամփոփագիր

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 16.04.2025թ.-ից)

Քարտային հաշվի համալրման սակագների փոփոխություններ (գործում են 15.10.2025թ-ից)

MIR աշխատավարձային քարտերի պայմաններ և սակագների արխիվ (գործել է 25.04.2025 – 29.09.2025թթ․)

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործել է 02.02.2024-15.04.2025թթ․)