Փոխանցումներ դեպի այլ երկրներ

Դրամական փոխանցում ուղարկելու համար Ձեզ անհրաժեշտ է՝

• Մոտենալ Բանկի ցանկացած մասնաճյուղ կամ օգտվել Վիդեո բանկինգ ծառայությունից:
• Ներկայացնել անձը հաստատող փաստաթուղթ:
• Բանավոր նշել ուղարկման երկիրը և քաղաքը, դրամական փոխանցումն ստացողի ԱԱՀ-ն (անուն, ազգանուն, հայրանուն) և Unistream համակարգի համար անհրաժեշտ այլ տվյալներ:
• Քարտին փոխանցում կատարելու դեպքում նշել քարտի համարը:
• Դրամարկղ մուտքագրել փոխանցվող գումարը և միջնորդավճարը:
• Փոխանցման միջնորդավճարը վճարվում է AMD-ով:
• Փոխանցումն ուղարկելուց հետո Բանկը հաճախորդին է տրամադրում կանխիկի մուտքի օրդեր և փոխանցման ուղարկման դիմում, որոնք հավաստում են դրամական փոխանցման ուղարկումը:

Ուղարկելուց հետո Ձեզ կտրամադրվի փոխանցման կոդ, որը Դուք պետք է հայտնեք միայն դրամական փոխանցումն ստացողին:

Փոխանցման գործառնության ավարտից հետո Հաճախորդն ստանում է դրամական միջոցների փոխանցումը հավաստող օրդեր, որում արտացոլված են փոխանցման բոլոր պայմանները:

Փոխանցման առավելագույն ժամանակը, որի ընթացքում փոխանցումը հասանելի կլինի վճարումն ստացողին - 1 րոպե:

• Ուղարկված դրամական փոխանցման չեղարկումն իրականացվում է ուղարկողի գրավոր դիմումի հիման վրա՝ ուղարկման օրվա ընթացքում
• Չեղարկումը չի կարող իրականացվել, եթե գումարն արդեն վճարվել է ստացողին, և վերջինս հրաժարվում է փոխանցված գումարի վերադարձից
• Բանկը լրացուցիչ վճար չի գանձում ուղարկված դրամական փոխանցման չեղարկման ընթացակարգի համար
• Փոխանցման միջնորդավճարը և դրամարկղից ուղարկման սակագինը ուղարկողին վերադարձվում են միայն ուղարկող բանկի կամ ստացող բանկի կողմից տեխնիկական խափանումների դեպքում

• Դրամական փոխանցման վերադարձը կատարվում է ուղարկողի գրավոր դիմումի հիման վրա՝ ստացող բանկերի կողմից սահմանված ժամկետներում
• Վերադարձը հնարավոր չէ, եթե գումարն արդեն վճարվել է ստացողին, և վերջինս հրաժարվում է դրա վերադարձից
• Միջնորդավճարը վերադարձվում է միայն այն դեպքում, եթե փոխանցման վերադարձն իրականացվում է դրա ուղարկման օրը
• Բանկը լրացուցիչ վճար չի գանձում դրամական փոխանցման վերադարձի ընթացակարգի համար
• Չպահանջված փոխանցումները Unistream համակարգում պահվում են 180 օրացուցային օր և վերադարձվում են ուղարկողի դիմումի հիման վրա՝ համակարգի կողմից սահմանված ժամկետներում

• Unistream համակարգում փոխանցման տվյալների փոփոխումն իրականացվում է ուղարկողի գրավոր դիմումի հիման վրա
• Դրամական փոխանցման մեջ սխալների ուղղումը կատարվում է ուղարկման օրվա ընթացքում
• Տվյալների փոփոխումն անհնար է, եթե գումարն արդեն վճարվել է ստացողին, և վերջինս հրաժարվում է դրա վերադարձից
• Բանկը լրացուցիչ վճար չի գանձում Unistream համակարգով փոխանցման մեջ փոփոխություններ կատարելու համար

Ուշադրություն՝ 

• Դուք իրավունք ունեք հաղորդակցվել ֆինանսական կազմակերպության հետ Ձեր նախընտրած եղանակով՝ փոստային կապի միջոցով կամ էլեկտրոնային եղանակով: էլեկտրոնային եղանակով տեղեկատվության ստացումը ամենահարմարավետն է: Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից և ապահովում է գաղտնիություն
• Բանկը` «Փողերի լվացման և ահաբեկչության ֆինանսավորման դեմ պայքարի մասինե ՀՀ օրենքով սահմանված Հաճախորդի պատշաճ ուսումնասիրության նպատակով, կարող է Հաճախորդից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ Հաճախորդին
• Օտարերկրյա հաշիվների հարկային համապատասխանության ակտի (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի համաձայն Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում
• «ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ» ՖԻԶԻԿԱԿԱՆ ԱՆՁԱՆՑ ԱՌԱՋԱՐԿՎՈՂ ԾԱՌԱՅՈՒԹՅՈՒՆՆԵՐԻ ՈՐՈՆՄԱՆ, ՀԱՄԵՄԱՏՄԱՆ և ՁԵԶ ՀԱՄԱՐ ԱՄԵՆԱԱՐԴՅՈՒՆԱՎԵՏ ՏԱՐԲԵՐԱԿԻ ԸՆՏՐՈՒԹՅՈՒՆԸ ՀԵՇՏԱՑՆՈՂ ԷԼԵԿՏՐՈՆԱՅԻՆ ՀԱՄԱԿԱՐԳ Է

«ՁԵՐ ՖԻՆԱՆՍԱԿԱՆ ՏԵՂԵԿԱՏՈՒՆ»` www.fininfo.am

• Հաշիվը և դրանում եղած դրամական միջոցները տնօրինելու հաշվետիրոջ իրավունքները կարող են սահմանափակվել դատարանի վճռով դատական ակտերի հարկադիր կատարումն ապահովող մարմինների կամ հարկային մարմինների կողմից ներկայացված հայտի հիման վրա
• Առանց հաշվետիրոջ կարգադրության հաշվից դրամական միջոցների բռնագանձումը կարող է իրականացվել դատարանի վճռով դատական ակտերի հարկադիր կատարումն ապահովող մարմինների և հարկային մարմինների կողմից ներկայացված հայտի հիման վրա, որի մասին հաշվետերը տեղեկացվում է Բանկի կողմից ուղարկվող SMS հաղորդագրության միջոցով

• Պայմանագրի  գործողության  ընթացքում կողմերի միջև ծագած վեճերը և տարաձայնությունները լուծվում են բանակցությունների միջոցով: Բանակցությունների միջոցով համաձայնության չգալու դեպքում վեճը լուծվում է ՀՀ օրենսդրությամբ սահմանված կարգով
• Հաճախորդն  հնարավորություն ունի Բանկի և իր միջև բխող բողոք-պահանջները ներկայացնել Ֆինանսական համակարգի հաշտարարին
• Տեղեկացնում ենք, որ Բանկը կնքել է ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ համաձայնագիր այն պահանջներով, որոնց ընդհանուր չափը չի գերազանցում 250,000 (երկու հարյուր հիսուն հազար) ՀՀ դրամը կամ համարժեք արտարժույթը և գործարքի ընդհանուր գումարը չի գերազանցում 500,000 (հինգ հարյուր հազար) ՀՀ դրամը կամ համարժեք արտարժույթը

Տեղեկատվական ամփոփագիր

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործում է 16.04.2025թ.-ից)

«ՎՏԲ - Հայաստան Բանկ» ՓԲԸ կողմից ֆիզիկական անձանց մատուցվող ծառայությունների պայմանները և կանոնները (հրապարակային օֆերտա) (գործել է 02.02.2024-15.04.2025թթ․)

Բանկի դրամարկղերում դրամական փոխանցման ուղարկման սակագինը՝ 1,000 AMD (անվճար է Վիդեո բանկինգ ծառայությունից օգտվելու դեպքում):