ԱՊԱՀՈՎԱԳՐՈՒԹՅԱՆ ՏԵՍԱԿԸ/ԴԱՍԵՐԸ
Ոչ կյանքի ապահովագրություն/ ֆինանսական վնասների ապահովագրություն
ԻՆՉՆ Է ԱՊԱՀՈՎԱԳՐՎՈՒՄ
Բանկի հիփոթեքային վարկավորման շրջանակներում Ձեր կողմից վճարման ենթակա կանխավճարը (հիփոթեքային պարտավորությունը)՝ Բանկի կողմից սահմանված պարտադիր վճարման ենթակա կանխավճարի և Ձեր կողմից փաստացի վճարված կանխավճարի դրական տարբերության չափով:
ԱՊԱՀՈՎԱԳՐԱԿԱՆ ԳՈՒՄԱՐԻ ՉԱՓԸ
Ապահովագրական գումարը հիփոթեքային պարտավորության մասով վճարման ենթակա հնարավոր ապահովագրական հատուցման առավելագույն չափն է, որը վարկային պայմանագրով սահմանված կանխավճարի և Ձեր կողմից կատարված կանխավճարի տարբերությունն է` համաձայն Ձեր վարկային պայմանագրի:
ՈՐՔԱՆ Է ՉՀԱՏՈՒՑՎՈՂ ԳՈՒՄԱՐԸ
Չհատուցվող գումար չի կիրառվում:
ԱՊԱՀՈՎԱԳՐՈՒԹՅԱՆ ԺԱՄԿԵՏ
Ապահովագրության վկայագիրը կնքվում/ վերակնքվում է մեկ տարով մինչև այն պահը, երբ վարկի հետագա մարումների արդյունքում վարկի մայր գումար/գրավի արժեք հարաբերակցությունը կազմում է 70% կամ 80%՝ կախված ծրագրից և այն հանգամանքից, թե որ շուկայից է գույքը ձեռք բերվել:
ԱՊԱՀՈՎԱԳՐԱՎՃԱՐ
Ապահովագրավճարը հաճախորդից գանձվում է ամսական կտրվածքով` համաձայն վարկային պայմանագրին կից ժամանակացույցի:
Տարեկան ապահովագրավճարը կազմում է ապահովագրական գումարի 2%:
ԻՆՉ ՓԱՍՏԱԹՂԹԵՐ Է ԱՆՀՐԱԺԵՇՏ ՆԵՐԿԱՅԱՑՆԵԼ ԱՊԱՀՈՎԱԳՐՈՒԹՅԱՆ ՎԿԱՅԱԳՐԻ ԿՆՔՄԱՆ ՀԱՄԱՐ
Ապահովագրությունն իրականացվում է «ՎՏԲ-Հայաստան Բանկ» ՓԲԸ-ի կողմից վարկային պայմանագրի տվյալների հիման վրա:
ԱՊԱՀՈՎԱԳՐՈՒԹՅԱՆ ՎԿԱՅԱԳՐԻ ՎԱՂԱԺԱՄԿԵՏ ԴԱԴԱՐԵՑՈՒՄԸ
Վարկի հետագա մարումների արդյունքում վարկի մայր գումարի/գրավի արժեքի հարաբերակցությունը 70% կամ 80% կազմելու (կախված ծրագրից և շուկայից) կամ գերազանցելու դեպքում ապահովագրության վկայագիրը վաղաժամկետ դադարեցվում է:
