«ՎՏԲ Հայաստան Բանկ» ՓԲԸ-ում Convers Transfers համակարգով դրամական փոխանցումների իրականացման հիմնական պայմաններ
1. Ընդհանուր պայմաններ
1.1. Բանկն իրականացնում է Convers Transfers դրամական փոխանցման համակարգի միջոցով`
- միջազգային դրամական փոխանցումներ ԱՄՆ դոլար / Եվրո / ՌԴ ռուբլի արժույթներով (միայն վճարում):
- տեղական դրամական փոխանցումներ (համակարգի անդամ ՀՀ Բանկերի միջև) ՀՀ դրամով կամ ԱՄՆ դոլար / Եվրո / ՌԴ ռուբլի արժույթներով:
1.2. Բանկը փոխանցվող գումարի ընդունումը կատարում է փոխանցման արժույթով, ինչպես նաև ցանկության դեպքում այլ արժույթով` փոխարկումով:
1.3. Convers Transfers դրամական փոխանցում ուղարկողը վճարում է փոխանցման միջնորդավճարը ՀՀ դրամով:
1.4. Convers Transfers դրամական փոխանցումը ստացողից միջնորդավճար չի գանձվում:
1.5. Convers Transfers դրամական փոխանցման ուղարկման կամ վճարման դիմաց Բանկը հաճախորդին է տրամադրում փոխանցման ստացումը կամ ուղարկումը հավաստող անդորրագիր:
1.6. Convers Transfers դրամական փոխանցման ուղարկումից հետո դրամական փոխանցումը հասանելի է ընդամենը 1 րոպեի ընթացքում: Առանձին երկրներ ուղարկվող դրամական փոխանցումների ժամկետները կախված են դրամական փոխանցման ուղղությունից:
1.7. Convers Transfers դրամական փոխանցման միջնորդավճարի չափը ՀՀ տարածքում կազմում է փոխանցման գումարի 0.7%-ը:
2. Ուղարկված դրամական փոխանցման մեջ փոփոխությունների իրականացում
2.1. Convers Transfers դրամական փոխանցման համակարգով ուղարկված փոխանցման տվյալների փոփոխությունն իրականացվում է դրամական փոխանցումն ուղարկողի գրավոր դիմումի հիման վրա` անձը հաստատող փաստաթղթի առկայության դեպքում:
2.2. Փոխանցման մեջ հնարավոր է ուղղել միայն ստացողի անունը և ազգանունը:
2.3. Կատարված փոխանցման մեջ չեն կարող փոփոխություններ կատարվել, եթե գումարը վճարվել է դրամական փոխանցումը ստացողին:
2.4. Բանկը չի գանձում լրացուցիչ վճարներ Convers Transfers դրամական փոխանցման համակարգով ուղարկված դրամական փոխանցման մեջ փոփոխությունների իրականացման համար:
3. Ուղարկված դրամական փոխանցման հետվերադարձման ընթացակարգը
3.1. Convers Transfers դրամական փոխանցման համակարգով ուղարկված դրամական փոխանցման հետ վերադարձն իրականացվում է դրամական փոխանցումն ուղարկողի գրավոր դիմումի հիման վրա` անձը հաստատող փաստաթղթի առկայության դեպքում:
3.2. Ուղարկված դրամական փոխանցման հետ վերադարձն իրականացվում է ստացող բանկերի կողմից սահմանված ժամկետներում:
3.3. Կատարված փոխանցումները չեն կարող հետ վերադարձվել, եթե գումարը վճարվել է ստացողին:
3.4. Convers Transfers դրամական փոխանցման համակարգով դրամական փոխանցումը հետ վերադարձնելու դեպքում միջնորդավճարը հետ չի վերադարձվում հաճախորդին:
3.5. Բանկը չի գանձում լրացուցիչ վճարներ ուղարկված դրամական փոխանցումը հետ վերադարձնելու համար:
3.6. Դրամական փոխանցումը ստացողին չհայտնաբերվելու դեպքում փոխանցված դրամական միջոցները կարող են մնալ համակարգում` Convers Transfers համակարգի կողմից սահմանված ժամկետներում: Տվյալ դրամական միջոցների հետ վերադարձն իրականացվում է դրամական փոխանցումն ուղարկողի գրավոր դիմումի և անձը հաստատող փաստաթղթի հիման վրա տվյալ համակարգի կողմից սահմանված ժամկետներում:
Թարմացվել է առ՝ 26-11-2019թ., 23:51