որոնում
Փաստաթղթային գործառնություններ և առևտրային ֆինանսավորում
«ՎՏԲ - Հայաստան Բանկ» ՓԲԸ առաջարկում է փաստաթղթային գործառնությունների և առևտրային ֆինանսավորման լայն ընտրանի:
Բանկային երաշխիք` թույլ է տալիս Բանկի հաճախորդներին ստանալ պայմանագրային պարտավորությունների կատարման երաշխավորություն:
Բանկային երաշխիքը պաշտպանում է կողմերի շահերը գործընկերների կողմից պայմանագրային պարտավորությունների չկատարման ռիսկից`
- մատակարարին կամ կապալառուին` ապրանքների կամ ծառայությունների չվճարումից
- գնորդներին կամ պատվիրատուին` մատակարարման կամ աշխատանքների չկատարման կամ ոչ պատշաճ կատարման ռիսկից:
Բանկային երաշխիքը Պրինցիպալի բիզնեսի լրացուցիչ դրական գնահատական է, քանի որ երաշխիք տրամադրելիս` Բանկը միշտ մանրակրկիտ ուսումնասիրություն է անցկացնում իր հաճախորդի վարկանիշի վերաբերյալ: Այդ պատճառով բանկային երաշխիքը նաև հանդես է գալիս որպես ընկերության ֆինանսական կայունության լրացուցիչ գրավական` հաստատելով վերջինիս կարողությունը կատարելու իր կողմից ստանձնած պայմանագրային պարտավորությունները:
ՎՏԲ-Հայաստան բանկն իր հաճախորդներին տրամադրում է հետևյալ տիպի բանկային երաշխիքներ`
1. Կանխավճարի վերադարձման երաշխիք
2. Պայմանագրային պարտավորությունների կատարման երաշխիք
3. Վճարային երաշխիք
4. Վարկի վերադարձման երաշխիք
5. Տենդերային (մրցույթային) երաշխիք
Փաստաթղթային ակրեդիտիվ` հաշվարկների ձև, որը լայնորեն կիրառվում է միջազգային առևտրում: Փաստաթղթային ակրեդիտիվը պաշտպանում է միջազգային առևտրային գործարքներում ներգրավված ընկերությունների շահերը` ապահովելով պայմանագրով նախատեսված վճարային պարտավորությունների ճիշտ, լրիվ և ժամանակին կատարումը:
Սարքավորումների ներկրման պայմանագրերում հաշվարկներ ակրեդիտիվների տեսքով
ՎՏԲ Հայաստան Բանկն առաջարկում է ներկրվող սարքավորումների ֆինանսավորում փաստաթղթային ակրեդիտիվների միջոցով:
Առաջարկվող ֆինանսավորման առավելություններն են`
- առաջնակարգ արտասահմանյան բանկերից նպատակային ֆինանսավորման ներգրավման հնարավորություն,
- վարկերի համեմատ առավել ցածր տոկոսադրույքներ,
- վճարման հետաձգման հնարավորություն:
«ՎՏԲ - Հայաստան Բանկ» ՓԲԸ հետ համագործակցության առավելություններն են`
«ՎՏԲ» բանկային խումբը վայելում է արտասահմանյան գործընկերների բարձր վստահությունը, ինչը շատ դեպքերում թույլ է տալիս ընդունել ՎՏԲ կողմից թողարկված ակրեդիտիվները և երաշխիքներն առանց լրացուցիչ հաստատման: Հաստատման անհրաժեշտության բացակայությունն էականորեն իջեցնում է գործարքի գինը հաճախորդի համար:
ՎՏԲ- Հայաստան Բանկի մասնագետները կօգնեն Ձեզ ձևակերպել արտասահմանյան գործընկերոջ հետ կնքվելիք պայմանագրի վճարային պարտավորություններն այնպես, որ Ձեր կազմակերպությունը հնարավորություն ունենա օգտվելու ակրեդիտիվային ձևով հաշվարկների բոլոր առավելություններից:
Սպասարկման հետ կապված բոլոր հարցերով Դուք կարող եք ստանալ խորհրդատվություն` զանգահարելով Փաստաթղթային գործառնությունների և առևտրային ֆինանսավորման բաժին, հետևյալ հեռախոսահամարով` +(37410) 51-37-34
Կամ այցելել «ՎՏԲ - Հայաստան բանկ» ՓԲԸ`
Գլխամասային գրասենյակ- ք. Երևան, Նալբանդյան փ. 46շ.
«Մոսկվա» մ/ճ- ք. Երևան, Արգիշտի 7, +(37410) 51-02-93
Սակագներ` Երաշխիքային գործառնություններ և փաստաթղթային ակրեդիտիվներ խոշոր բիզնեսի Հաճախորդների համար
Սակագներ` Փաստաթղթային ակրեդիտիվներ միջին բիզնեսի հաճախորդների համար
Սակագներ` Երաշխիքային գործառնություններ միջին բիզնեսի հաճախորդների համար